’ عشق مرشد ‘ کی آخری قسط سینماؤں میں دکھائے جانے کا امکان

پاکستانی انڈسٹری کے مقبول ڈرامہ ’’ عشق مرشد ‘‘ کی آخری قسط کو بڑے پردے پر دکھائے جانے کا امکان ہے۔

ڈرامہ ’ عشق مرشد ‘ گزشتہ برس اکتوبر سے نجی ٹی وی پر نشر ہورہا ہے اور 14 اپریل کو ڈرامہ کی 28 قسط نشر کی گئی تھی ، اب سوشل میڈیا پر ڈرامے کی آخری قسط کے حوالے سے خبریں زیر گردش ہیں کہ وہ سینما گھروں میں دکھائی جائے گی۔

Big Screen Farewell – Reports Suggest that Ishq Murshid Final Episode

ٹیلی ویژن سیریل نے اپنی منفرد اور رومانوی کہانی کے باعث وسیع پیمانے پر تعریف حاصل کی ہے اور ڈرامے کی ہر قسط ریلیز کے چند گھنٹوں کے اندر ہی یوٹیوب پر لاکھوں ویوز حاصل کر لیتی ہے۔

فاروق رند کی ہدایت کاری اور عبدالخالق خان کے تحریر کردہ اس ڈرامے میں اداکارہ درفشاں سلیم اور اداکار بلال عباس خان مرکزی کردار ادا کر رہے ہیں۔

شادی کے بعد شوبز سے دوری اختیار کرلوں گی، مہوش حیات

بعض رپورٹس میں دعویٰ کیا گیا کہ اپنی مقبولیت میں اضافے کے ساتھ ڈرامے نے کامیابی کے ریکارڈ توڑ دیے ہیں اور گزشتہ دو سالوں میں نشر ہونے والے ڈراموں کے ناظرین کی تعداد کو پیچھے چھوڑ دیا ہے۔

مختلف شوبز ویب سائٹس اور سوشل میڈیا پیجز کے مطابق عشق مرشد کی آخری قسط کو سینماؤں میں دکھانے کے حوالے سے بعض سینماؤں میں پوسٹرز آویزاں کردیے گئے ہیں۔